Quero desexarvos un Bo Nadal en compaña da vosa familia e seres máis queridos. Unha forte aperta. JLO.

En Asunción e grazas a internet non perdo detalle do que pasa en Lugo… a festa dos maiores e do veciño, as tapas e sobre todo o San Froilán!!

Podedes consultar máis info da miña intervención no VI Foro Iberoamericano de Gobernos Locais que se celebra estes días en Paraguay e tedes máis fotos, no meu Flickr. (Na foto de portada estou Xunto ó embaixador de Paraguay, Juan Fdez. Trigo.)

Din que na rede non hai nada mellor que falar de ti a ti cos outros usuarios, sincerándose, sen ninguén no medio…, por iso antes que nada, queridos lectores, gustaríame disculparme con todos vós por este pequeno retiro dixital.

Confeso que o recente e intenso proceso electoral deixoume tan esgotado que durante algunhas semanas puxen en “stand-by” os principaies espazos que manteño na rede, como este blog, o meu perfil en Facebook ou a miña conta en Twitter.

Unha vez cargadas as pilas chega o momento de continuar participando desta grande tela de araña da cal me sinto partícipe dende fai moito tiempo. Afronto con ilusión todos os novos retos que plantexan as novas tecnoloxías, aprendo día a día do coñecemento que compartides a través da rede e sobre todo, aposto firmemente por este novo medio que nos permite a todos expresarnos con liberdade e avanzar socialmente.

Pouco a pouco, e nos ocos que teña, contestarei cada unha das mensaxes pendentes durante este tempo. Moitas gracias por seguir ahí

Gracias tamén a todos os veciños e veciñas que fixeron das eleccións unha gran festa democrática con alta participación e, especialmente, a todos aqueles que apoiaron as propostas do equipo que lidero. Un proxecto de traballo que está repleto de novas ideas para que Lugo gañe e siga medrando, son ideas feitas dende a ilusión e as gañas de avanzar nesa calidade de vida que queremos para os lucenses. Moitas gracias por recoñecer o traballo realizado e por apostar por todo o que nos queda por facer.

Agora comeza un periodo de reflexión, de negociación para formar goberno, e seguirei mantendo o compormiso que asumín con todos vós. Sempre dixen, non é unha frase nova en min, que aquel que non saiba pactar, que non saiba chegar a acordos en política, debe retirarse. Os lucenses o 22 de maio falaron e dixeron que non querían maiorías absolutas en Lugo, dixeron que querían que os grupos con representación municipal se entendesen. Así o faremos, tendo como único obxectivo que a cidade de Lugo siga avanzando. Está claro que isto non se para.

Foto que acompaña el texto | Óscar Cela para La Voz de Galicia

A viñeta do ínclito debuxante “El roto” publicada hoxe en El País, o dí todo. Os votantes de dereitas o teñen claro o día das eleccións e acuden ás urnas case de forma robótica para “fichar”. Como xa comentei nas redes sociais, estamos a atravesar un momento delicado.

Creo que efectivamente hai políticos de que deben achegarse máis á xente e ós seus problemas reais. Eu tenteino, ó longo de toda a miña vida política, facer propostas constructivas e, sobre todo, non faltar ó respeto nunca ós meus adversarios políticos. Non entendo a política como un “e tí máis”, os cidadáns queremos propostas concretas a problemas reais, queremos que os nosos dirixentes den a cara e eu iso márcomo como máxima cada mañan. Eu entendo o meu traballo coma un servizo público e tento estar sempre á altura, á gran altura e categoría, que teñen os meus veciños e veciñas. Espero non ter defraudado, pero iso decídelo tí. Se non votas, outros votarán por tí.

O domingo pídoche que exerzas o teu dereito ó voto, ese que tanto esforzo nos costou e tamén che pido que o exerzas con responsabilidade. Un saúdo.

Por certo, esta tarde estarei no Gustavo Freire, a partir das 20.00. Invítovos a acudir ó gran acto de peche de campaña. Tras o mesmo compartiremos unha paella.

Gustaríame que trates de recordar como era Lugo hai 12 anos.

As entradas da cidade, os barrios, a zona rural… Seguro que lembras a necesidade que había de apostar polos servizos públicos, Escolas Infantís, Centros de Convivencia, centros de Día e de dinamización no rural, zonas verdes, rúas limpas, rúas asfaltadas e con saneamento no centro e nos barrios, na zona zona urbana e na zona rural, iluminación….

Lugo mellorou, hoxe conta con todo iso, parece que ata ten máis luz. Podes ver a transformación no vídeo sobre estas liñas. Soñabas coma nos, coa nova ponte, beber auga de calidade do grifo. Seguro que tamén soñabas cunha estación intermodal, un novo hospital, un Parque Empresarial…

Se abres os ollos verás que esa é a cidade na que vivimos hoxe, ese Lugo que construímos entre todos, que ti contribuiche a facer. Agora é o teu momento para apostar por que continúe ese compromiso absoluto coa cidade, para que isto non se pare. Sabes que estive ao teu lado sempre, non só nas ocasións electorais….

Se coma min, ti tamén estás tolo por Lugo axúdame a difundir este vídeo entre os teus contactos e amigos e sobre todo, recorda que o 22 de maio ti es o máis importante para que gane a nosa cidade.

Esta noticia demostra que en época de crise e austeridade tamén se pode xestionar de maneira eficiente unha entidade.

Así o Concello de Lugo rematou o ano 2010 cun superávit de 1.200.000 euros o que demostra que o equipo de goberno sabe xestionar ben as arcas municipais. E preguntarédesvos que se vai facer con estes cartos, pois unha parte empregarase para liquidar algún dos créditos que ten solicitado o Concello e outra parte quedará de colchón para empregalo no momento que sexa necesario.

O emprego é fundamental para que unha cidade poida medrar e desenvolverse de cara o futuro. A creación de emprego non só se fomenta dende as grandes empresas ou multinacionais que contan con centos de persoas, o emprego tamén se crea co pequeno comercio, con autónomos e emprendedores que arriscan o necesario para poder crear, manter e obter bos resultados co seu negocio. Por iso debemos pensar que cada transacción que realizamos en calquera comercio, por moi pequeno que sexa, estamos contribuíndo a crear e manter postos de traballo.

O lugar de nacemento e os primeiros anos de vida son os que marcan o desenvolvemento humano.

Vendo esta noticia dámonos conta do importante que é vivir nun lugar coas comodidades e a seguridade necesaria para que os máis pequenos medren cunha boa calidade de vida.

Sobre estas liñas podedes ver o trailer do documental de Thomas Balmes que se vai estrear o vindeiro 16 de abril. O film achéganos ao primeiro ano de vida de catro nenos en diferentes lugares do mundo e consegue que o espectador pense na infancia e as facilidades que se deben crear como as escolas infantís, parques para que poidan xogar ou actividades que axuden a o seu desenvolvemento intelectual. Por sorte en Lugo contamos con todo eso!

Ligazón | La belleza de un recién nacido

Así foi como puxen en marcha o meu blog e máis tarde moderniceino pasando a ser un videoblog; ademais comecei a achegarme ao mundo das redes sociais, nas que me podedes atopar. Chámame a atención a nova de que Iñaki Gabilondo, un extraordinario xornalista e gran comunicador, tamén vai estrenar videoblog a partir do luns 4 de abril.

Dende aquí quero darlle a miña noraboa por sumarse ao este club, e moita sorte nesa andaina tecnolóxica.

Ligazón | Gabilondo estrena videoblog este lunes